Dialuna den oranan di mainta nos redaccion a keda informa cu un bes mas e situacion di diesel spill a lanta cabes. E biaha aki dos departamento a keda evacua tanto camber di operacion y rontgen unda cu ta saca potret. Pero e departamento unda ta saca potret a keda cera y camber di operacion a mandanan otro caminda pa despues di merdia a cera esaki completo y trahadonan a bandona hospital, debi cu e holo insoportabel ningun hende por a wanta esaki.
Trahadonan ta cansa na hospital ta pura pa e situacion aki pasa debi cu lunanan pasa casi tabata tin desgracianan unda un empleado sinta den un hoki y manera a lanta for di su stoel a scucha desordo su tras y ora a bira wak kico a pasa ta blokinan tabata cay di halto y bin abou net na e stoel cu e tabata sinta riba dje seconde prome.