WASHINGTON, D.C., Merca — Departamento di Husticia Mericano diabierna a anuncia cu el a presenta cargonan contra di 12 agente di inteligencia Ruso pa a cargonan di hacking durante e eleccion presidencial di 2016.
E cargonan a wordo anuncia diabierna pa e Asistente di Fiscal Rod Rosenstein, como parti di un investigacion di un abogado special pa asina investiga e posibel coordinacion entre e campaña di Trump y Rusia.
E Rusonan ta wordo acusa di a hack e netwerk di computer di e Comite Nacional Democratico, e Comite di Campaña Congresional Democratico di Hillary Clinton, y e campaña presidencial di Hillary Clinton. Tambe e publicacion riba internet di emailnan horta algun luna prome cu eleccion.
“E internet ta permiti adversarionan stranhero pa ataca Mericanonan den un forma nobo y inespera”, Rosenstein a bisa. “Eleccionnan husto y liber ta dificil y polemico. Semper lo haya adversarionan cu lo traha pa saca probecho di diferencianan interno y purba confundi nos, dividi y conkista nos”.
Prome cu diabierna, 20 persona y tres compania a wordo acusa den e investigacion Mueller. Esaki ta inclui cuater ex asesor di Trump y di Cas Blanco y 13 Ruso acusa di a participa den un campaña mediatico riba rednan social pa asina influencia e opinion di e publico Mericano den e eleccionnan di 2016.
Rosenstein, kende a bisa cu el a informa Presidente Donald Trump riba e acusacionnan aki, a bisa cu no tin indicacion cu e hacking lo a altera e conteo di voto of cu cualkier Mericano, a sabiendas lo tabata tin cualkier comunicacion cu oficialnan Ruso.