PALMA DE MALLORCA, Mallorca – Guardia Civil a informa cu ya caba 12 persona a perde nan vida door di inundacionnan riba e isla Spaño di Mallorca. Esaki ta bin despues di e hayasgo di dos curpa cu por ta di un pareha Aleman desapareci.
E vocero di e institucion a informa cu e curpanan a wordo haya den un zona cerca di Arta. E servicionan di urgencia a precisa cu nan a wordo descubri “cerca di unda a haya e auto di e pareha Aleman desapareci”, segun un informe di AFP.
Un mucha homber di 5 aña ainda ta desapareci, pero no ta descarta e posibilidad di haya mas persona desapareci cu no a wordo identifica”, según Catalina Caldera, consehero di e gobierno regional Balear.