ARNHEM, Hulanda – Diamars Corte di husticia di Gelderland a condena un homber di 42 aña di Nijkerkerveen na 12 aña di prizon pa asesinato di su casa. Esaki a sosode den su ausencia.
E sentencia ta conforme e exigencia di Fiscal. Corte a haya legalmente proba cu e homber, procedente di Libia, na November 2015 lo a hinca su casa mata den e schuur di su cas na Hoevelaken.
E muhe di 39 jaar tabata mama di seis yiu, di cual cinco di nan a bin hay’e morto den e schuur. E homber a huy bay den exterior, pero un orden di aresto internacional a keda difundi.
E sospechoso a tuma contacto via telefonico cu polis. Den su declaracion e ta bisa cu tabata tin un otro homber den e cas y cu despues di esey a sigui un discusion, y el a bandona e cas. Pero Corte di Husticia di Gelderland no ta kere e storia ey. Riba e cuchiu cu a wordo uza pa comete e asesinato, polisnan a bin haya rastronan di sanger perteneciente na e muhe pero tambe nan a haya sanger ariba su paña.
Fuente: www.anp.nl