Mogadishu, SOMALIA- Un atake suicida na Mogadishu, capital di Somalia cu tabata tin como obhetivo oficialnan di ehercito di rango halto. Den e atentado un mini bus transportando civilnan tambe a completamente destrui, causando morto na por lo menos 15 persona.
E atentado a wordo reindivica pa Abdiasis Abu Musab, e vocero militar di e organisacion terorista Al Shabaab.
E grupo aki regularmente ta comete atentadonan den e pais. E organisacion terorista islamico estricto aki ta bou di presion y el a perde gran parti di su tereno desde cu e Union Africano a manda su comando di paz pa e region.
Presidente di Somalia, Mohamed Abdullahi Mohamed, siman pasa a duna Al Shabaab sesenta dia pa pone e armanan abao. A cambio di un traspaso pacifico, el a ofrece trabao y educacion.
Fuente: www.nu.nl