MUMBAI, India – Awasero torencial a bay cu casnan, ocasionandon derumebann y a cobra al menos 180 bida den henter sur di Asia.
Dies persona a muri y al menos otro 10 ta pensa cu por ta atrapsa bou di e ruinanna despues di cu’n edificio a bin abou durante e awaseronan torencial monsonico cu a asota e capital financiero di India, Mumbai y e di dos tragedia den dos siman.
“A logra recupera dies curpa y a manda nuebe herido pa hospital”, segun e vocero di gestion di desastre, Tanaji Kamble, a bisa na AFP tocante e colapso den e zona congestiona di Dongri, sur di Mumbai.
“E operacion di rescate a sigui te ora cu e personanan pega bou di e ruinanan wordo rescata. Mas di dies persona ainda ta pega den e ruinanan”.
E colapso di e edificio a zona manera un temblor y nos a core pa e luga pa controla e zonido”, un residente loccal a bisa na e canal di noticia Indio NDTV.
Prome Minister, Narendra Modi, a tweet su condolencia pa famianan di e victima, describiendo e incidente como “angustioso”.