Segun investigacionnan di e Organisacion Mundial di Salud (OMS), publica, 9.6 miyon persona lo muri di cancer y 18.1 miyon lo desaroya casonan di e malesa aki.
E informe ta analisa e incidencia di 36 tipo di cancer den 185 pais y a alerta cu e cantidad di personanan rond mundo cu ta sufri di e malesa aki ta aumentando rapidamente. Segun datonan, un di cada cinco homber y un di cada seis muhe den henter mundo ta sufri di cancer durante nan bida. Y un di cada ocho homber y un di cada diesun muhe ta muri di cancer.
E datonan ta destaca tambe cu al menos 43.8 miyon di persona ta bibo despues di cinco aña di a wordo diagnostica cu e malesa.
E tres tiponan mas comun di cancer
Di acuerdo cu e informe e cancer ta debi na e crecemento demografico, e embehecimento di e poblacion y e evolucion di cierto causanan di cancer relaciona cu e desaroyo social y economico.
Ademas, segun e estudio, e cancer di pulmon, di pecho y di tripa ta e tres tiponan mas frecuente y ta splica e tercera parti di e incidencia y mortalidad na mundo. \
Entre e muhenan, e cancer di pecho ta esun mas mortal, mientras hende homber ta muri mas hopi debi na cancer di pulmon.
E articulo ta splica tambe cu casi e mita di e casonan nobo y mas di e mita di e mortonan door di cancer na mundia na 2018 lo tuma luga na Asia, un parti, pa motibo cu e region aki ta habitat di casi 60% den e poblacion mundial.
“E cifranan nobo aki ta mustra cu ainda falta hopi pa haci pa responde na e aumento alarmante di e carga mundial di cancer y cu e prevencion mestr hunga un rol clave”, e dokter director di IARC, Christopher Wild ta bisa. “Ta urgente pa bin cu politicanan eficaz di prevencin y deteccion trempan pa controla e malesa devastador aki”, el a agrega.