NEW DELHI, India- Den un cas na New Delhi autoridadnan a bin haya curpanan sin bida di 11 miembro di un solo famia, segun The Hindustan Times a informa, citando fuentanan policial.
Segun e fuente, e casa di e famia tabata pertenece na un homber di negoshi, doño di un tienda y un fabrica di prodoctonan lacteo. Un bisiña a drenta e luga ora cu el a ripara cu e porta tabata habri y a binn haya e curpa di e homber di negoshi, y otro curpanan sin bida, entre nan muchanan, adolescente y anciano.
Casi tur tabata horca y cu wowonan tapa, excepto e curpa di un señora anciano. Polis ta investigando si ta trata di un suicidio of di un asesinato, aunke cu no a haya niun nota den e cas.
Loke si polisnan a bin haya ta notanan scirbi na man, indicando cu e famia tabata siguidonan di cierto practicanan spiritual of mistico. Tabata tin cierto similaridad den cual nan boca y wowo di e defuntonan tabata tapa cu tape, polis a informa.