Diabierna 31 di Maart a tuma luga e caso di asesinato di ex- director di Serlimar, R. Fingal, kende a wordo asesina door di e dama Chines M.T.
Presente den sala tabata t’ey famia di e defunto, como tambe famia di e dama. Abogado Canwood a representa e famia y a haci entrega di un demanda pa daño y perhuicio, pa paga gastonan di entierro, cual ta suma 10 mil. E señora di Fingal tambe ta bayendo psycholoog, como el a keda trauma di tur loke a pasa y tambe e yiunan ainda ta den trauma pa tur loke a pasa.
CASO
Dia 11 di Juli, tabata un dia traumatico pa famia Fingal, ya cu e dia ey tabata e dia caminda nan ser keri a wordo ranca for di nan. F. a wordo hinca 23 biaha. E tabata tin tres corta grandi y esun na su curason. Causa di morto ta cu e victima a bloed dood. Tabata entre 8.40 pa 9 or di anochi, cu señora trahando na e minimarket pega cu e Spa a tende desordo y un stem di un hende homber ta grita “Mi famia, mi famia”. E señora a dicidi di yama e doño di e edificio, F. cu a bin hunto cu su señora. Ora cu nan a drenta paden, nan a bin haya Fingal benta abao y e sospechoso tabata grita “m’a mat’e, m’a mat’e!”
Hues
Hues a puntra M.T. pa conta kico a pasa. Segun T., e cu F. tin un bon relacion cu otro, e ta considera F como un bon persona. Nan tabata tin un encuentro un siman prome, y a palabra pa e dia en cuestion, nan topa na e bar/restaurant ey. Dialuna F ta tuma contact cu T y a puntr’e si e tabata tin tempo p’e banda di 5 or di atardi. Pero T. a bisa F. cu e no tabata cla cu loke tabata haciendo e ora ey. E victima e ora ey, ta puntra T., si e lo por bin mas laat, pa banda di 7 or n’ey. T. a enfatiza cu door cu e conoce Fingal bon, el a acepta pa e ta su cliente na e Spa. Normalmente na e SPA e no ta tuma clientenan masculino.
El a conta cu e tabata tin un bon relacion cu F, ya cu F. semper a yud’e bon. Door cu e no ta lesa, compronde ni papia Hulandes, y tampoco Papiamento, F. tabata yud’e ora cu e tabata tin cliente di habla Hulandes den e bar/restaurant.
Dia 11 di Juli, R.F. tabata keha di hopi dolor di lomba. T. a dicidi e ora ey pa yuda F. cu su dolor y pa dun’e un masashi. Nunca e lo por a kere cu algo malo lo por a bay pasa. E tabata dunando un masashi, ora cu e victima diripiente a lanta for di e cama y a bay para banda di dje. Esaki a sosode masha lihe mes. Segun testimonio di T., el a pusha F. for di dje y el a puntr’e: “Ki pasabo”? Segun T., e no por corda con tur cos a bay, pero e ta corda cu e tabata tin su mannan tras di su lomba. Prome cu esey T. a purba pusha R for di dje. R a pushe bente ariba e cama. Door cu e tabata tin un man so cu tabata por a move, cu e otro e tabata purba pusha F, cu su eleboog. R. a dal’e duro ariba su lomba. E sospechoso no ta papia papiamento y el a cuminsa grita na Chines “Yudami, Yudami”!
Sospechoso a drenta den shock y e no tabata sa kico e mester a haci,y na dado momento el a los su mes for di F y a cana bay direccion di e porta. Tur cos a pasa asina lihe. Door cu e ta den shock e no por corda precisamente con cosnan a pasa.
Richard a rabia masha hopi y a bisa T: Awo bo ta bay haya”!
Durante e proceso, loke e por corda cu nan tabata tira otro cu cos. E victima ta door di spanto, e no ta corda bon kico a pasa. E ta conta hues loke e ta corda.
Si e ta corda cu el a yega na e porta, cu ela tene e man di porta den su man. Pero den forcejeo nan a bay den e di dos kamber.
Richard a habri e porta di e banjo como sifuera e tabata buscando algo
Dado momento ora nan a yega na e cushina e porta cu ta bay pafo,ta banda di e porta di cushina, y R. a cera e porta aki.
T. su prome pensamento ta cu R. lo bay cera e porta y el a pidi R. varios biaha pa habri e porta.
Richard tabata hopi rabia, esey ta loke T. ta corda. Richard a keda cu e cuchiu den man y tabata zwaai cu esaki den direccion di T. Na dado momento, tur dos tabata tin nan man ariba e cuchiu. Durante forcejeo, nan a hala bay den direccion di e cama di masashi.
Ora e cuchiu tabata gericht ariba T, el a bisa R. cu e tin un casa, e tin un famia.
E ora R. a grite cu e tambe tin un famia.
T. a dal R na su banda y e grip ariba e cuchiu a bira menos.
Dado momento, R a slip y e cuchiu a bay den direccion di M.T. Aki R. a resulta herida, y MT ripara cu F. a bira manera un poco cansa. Segun T. nan tur dos tabata cansa y un tabata leun ariba otro.
El a bay den e otro camber pa busca un telefon, pero el a ripara cu F. a bin su tras cu un martieuw. Ela tira e celular y e cuchiu ariba cama y cu su dos mannan a purba
na wanta e martieu leu for di dje.
Ora cu T. a purba di kita e martieu for di F., nan tur dos a cay den banda.
E ora ey T a purba un biaha mas di kita e martieu for di F, y e ta corda cu ora cu e la bay pa kita e martieuw for di F, el a trapa dos biaha riba e victima. Ora cu T tabata tin e martieuw den su man, e kier a cana bay. Pero e vloer tabata muha y tabata parce cu e no por a core bay, R. a lanta for di e vloer y e ora el a dal R. cu e martieuw, pero e no por corda na unda el a dal e victima cu e martieuw. Despues nan tur dos a purba un biaha mas di gara e martieuw. Cierto momento, nan tur dos tabata tin e martieuw den nan man.E vloer tabata slip. T. un biaha mas el a haya e martieuw den su man y el a lanta bay
R ta lanta for di vloer ey, y ta bay tras di T.
T. ta pasa man pa un cuchiu cu tabata pone ariba e cama di masashi. El punta e cuchiu den direccion di R. Akinan R. ta bula ariba dje y ora cu T. ta hala e cuchiu bek e ta ripara cu e cuchiu ta na sanger.
E ta skucha R bisa algo, pero e no por a tende bon kico R tabata bisando na e momento ey. El a keda para keto eynan, e tabata sinti cu e no por a move y tabata wak cu R. poco poco tabata bayendo den direccion di e cama. M.T. ta bisa cu e tabata tin asina tanto spanto cu e no tabata sa kico R. tabata bisa,
Poco poco den su pensamento, e tabata kier a cana bay den direccion di e porta. E no por corda con el a sali for di e edificio y unda el a yega,
Na momento cu e tabata tin un rato ya ta canando, e tabata desoriente, y e ta sinti cu e no tabata su mes. E no tabata sa unda e tabata ta of si ainda e tabata tin e cuchiu
den su man.
Ora cu el a bin dilanti, el a wak cu meneer para na e porta y despues e homber aki a disparce. Na momento cu el a bay bek pa busca su telefon, e tabata kier a yama su casa
pesey el a bira bay bek paden.
El a reboltea e luga en busca di su telefon. E ora ey, un biaha mas e ta skucha Richard pero e no sa kico e ta bisando. Eynan el a ripara con R. su bida tabata cabando.
Ora cu el a habri e porta, e ora el a wak e donjo di e edificio. E no tabata sa e ora ey, si tabata tin mas hende para pafo. Pero e donjo di e edificio y e tabata sinti cu e
donjo so tabata por ta eynan. E ta sinti cu e donjo di edificio a yega mucho laat.
Ora cu T. a bay en busca di e donjo di e edificio, e no por corda si acaso e donjo lo por a puntr’e algo. F, donjo di e edificio a drenta paden y a dune un klop ariba su
schouder. El a conta e donjo di edificio, kico a pasa, pero su papiamento no ta bon.
E kier a conta e donjo di e edificio, cu e homber kier a haci su persona danjo y cu e tabata kier a defende su mes di esey.
E no por a conta exactamente kico a pasa na papiamento y ta pesey el a bisa e donjo, cu e homber kier a mishi cumi y cu mi a mat’e.
Esey segun T, ta e palabra cu el a uza, ya cu e no ta papia papiamento.
Hues:
Repasando e declaracion di e sospechoso, unda esaki a declara cu el a kere cu F. a cera e porta na lock. M.T. tabata asina spanta cu e no tabata sa si e porta tabata na lock of niet
Segun T., ta asina tanto tempo pasa cu e no ta corda exactamente con e cos a pasa.
Na momento cu tur cos a pasa, door di e bringamento, su prome pensamento tabata ta pa bay for di eynan. Mi unico pensamento tabata ta, pa pasa man cu mi yabinan, mi sa cu mi yabinan tabata dilanti, banda di e frigidaire. Segun T., e tabata sinti su mes den peliger, door cu e cu F a bringa asina tanto y ta pesey e sitaucion entre e victima y e sospechoso a caba na e manera ey.
Ora cu e tabata tin e cuchiu den man, Fingal a bin ariba dje y door di esey el a haya e hinka.Riba e mesa di masashi nan a haya un marca di pia, di un dama.
Fiscal ta haya remarcabel cu e victima tin tanto hinca asina na su curpa, pero segun M.T. dor di tanto cos cu a pasa e no ta corda cuanto biaha el a hink’e.
Segun M.T. e no ta corda kico tur a pasa precies e dia ey, a pasa ocho luna, y e no ta corda mas kico a pasa.
Prome cu YT sali for di KIA, ya cu ta 72 so e tin mas, e lo uza e dianan aki oa hari MT Y wake sufri
Psycholoog
Mt tin un low IQ, no tin indicio di persoonlijkheidsstoornis, ta slordig, cual ta un indicio di egocentrisch. Tin un angustia halto.
Fiscal
Legalmente proba cu M.T. a mata F. Tabata tin un forcejeo, y durante esaki Fingal ta dal T tene na su man robes. El a pusha T contra di e muraya. Prme cu esey F lo a dal T
ariba su lomba. e mesun dia di e hecho, M.T. a wordo examina fisicamente. Behalve su linkerhand, un rasca chikto e no tabata tin nada. T. no tabata tin niun indicacion di algun forcejeo, of cu manera T ta bisa, cu F lo a dal’e ariba su lomba. Su pañanan tampoco mo tabata gescheur, ni nada. F. tabata completamente bisti, solamente su parti ariba di curpa tabata suno. No tin indicacion cu F. lo kier a abusa di e sospechoso T.
Durante reconstruccion, T ta bisa cu el a rek su man y tabata buscando algo. Y den Corte e ta bolbe cambia su declaracion. E ta bisa cu el a bira un poco, y e kier sa cu el a hinca R.F. of den su zij of na banda robes di su pecho. Segun Fiscal T su declaracionnan ta yena cu contradiccion.
Den Corte a mustra potretnan tuma durante e resconstruccion. E reconstrucccion ta parcialmente basa ariba grabacion y tambe via potret. Segun Fiscal, e no tabata mustra un hende cu tabata spanta. Pasobra ora cu F. a sali for di e camber, e no a sera e porta. Fiscal ta di opinion cu F. tabata bayendo direccion di e porta, kisas busca yudansa. Y ta M.T. ta cana bay su tras, pero cual tabata su intencion?
T ta bisa cu e la wak e yabinan ariba e frigidaire. F. a ranca na e porta dos biaha (rukken). Segun Fiscal ora bo tin miedo di un persona, bo ta bisa e persona, coy e
yabi habri e porta y bay!
Testigo cu ta traha na e minimarket, ta bisa cu entre 8.30 pa 8.40 el a skucha hopi desordo den e spa. E la skucha e meneer yora bisando , “mi famia, mi famia”.
Por conclui cu Fingal tabata roga pa su bida.
Por bisa cu F. tabata sangrando, ya cu el a wordo hinca 4 biaha caba, tabata tin varios oportunidad pa T por a scapa si e tabata asina spanta. Al contrario, e ta keda den e
kamber y ta bira wak y derepente e ta wak F cu un martieuw den man, cual pa Fiscal ta increibel ya cu di unda e martieuw a sali.
Durante e bringamento, den e sala di masashi nan ta destrui e bentana.
Dado momento e ta dal R.F. tene na su garganta, e ta kita e martieuw for di dje y ta dal F. cu e martieuw den su cabes. E autopsie rapport ta conclui cu F. tabata tin un scheur na su craneo, door di e impacto di e martieuw. Den su declaracion na polis, el a declara cu e a hinca F na su pecho, Pero despues e ta declara cu ta F a bin ariba dje.
Fiscal ta puntra si tur e cortanan ey tabata necesario. Y tambe cu e ta haya cu tabata masha straño e afspraak tabata traha di un siman di delanta. Mas bien fiscal ta kere cu T a hinca F ora cu F tabata drumi ariba e cama. No tabata tin sprake di noodweer.
M.T. ta bisa cu nunca el a uza palabra malo y den KIA esaki ta algo normal di tur dia.
F. a muri un morto cruel. Causa di morto, el a sangra te muri. Tabata tin un hinca den su nanishi y e weso di su nanishi a kibra. F. a sufri hopi prome cu el a muri. Y Fiscal no ta kere cu tabata tin un aanranding (intento di abuso). Ora polisnan a yega, T. tabata tur na sanger. E unico caminda cu e no tabata tin sanger ta caminda cu e mondkap ta poni.
STRAF
Ta keda legalmente proba cu M.T. a hinca R. Fingal mata. Ta tene cuenta cu T. no tin strafblad. Pero ta di remarca cu e ta procedente di China y niun hende no sa kico a pasa ayabou. Tambe e ta haya cu M.T. no tabata tin compasion cu F. R.F. tabata ta un ciudadano ehemplar den comunidad. E no tabata un persona agresivo. Fiscal a repasa declaracionnan di casa di F, di cuanto planes nan tabata tin ainda pa cumpli cu nan.
Fiscal a exigi pa M.T. un castigo incondicional di 10 aña, kitando e tempo cu el a keda den detencion preventivo.
Hues
Hues a cera tratamento di e caso y a indica di lo bay studia e caso. E lo dicta sentencia dia 21 di April.