Relaciona cu’n publicacion cu ta indica cu STA ta perdiendo miembro y cu nan ta culpa esaki na e conflicto di interes cu tin cerca Sr. Diego de Cuba, y cu e lo ta coordinador di minister Glenbert Croes. Pa esaki Masnoticia a acerca Sr. de Cuba pa e duna su banda di medaya.
Sr. de Cuba a cuminsa na bisa cu si e tabata coordinador di minister Glenbert Croes y e lo ta sinta den Cocolishi den un stoel comodo. E ta nenga categoricamente cu e ta coordinador di e minister, pero si e ta yuda den dialogo social/laboral, door cu STA como sindicato tabata forma parti di esaki, mescos cu FTA. Pero e cuestion di perde miembrecia, Sr. de Cuba a bisa cu tur sindicato semper ta haya miembro pero tambe ta perde miembro. E ta un proceso masha normal. Tin ora por haya un situacion unda cu por perde compania, di 30 pa 40 miembro. pero di otro banda ta gana, 2 pa 3 compania, hayando 200 pa 300 miembro. E ta un proceso masha normal di gana y perde miembreciam pero cu e pretexto aki ta wordo uza pa caba cu Sr. de Cuba personalmente, ta hopi cla cu ta cu Sr. de Cuba nan kier caba pa cual Sr. de Cuba a bisa cu esaki ta un campaña hopi sushi cu ta wordo orkestra y tur hende sa di unda e ta bin. Esaki ta algo sumamente increibel.
Tur hende sa cu Sr. Diego de Cuba ta traha na Triple A NV, como Security Advisor. Y tur hende sa esey, pa cual e no ta mira motibo pa cual un matutino ta saca un articulo asina. El a califica esaki como un mentira flagrante. Te asina leu, Sr. Diego de Cuba, lider di sindicato STA.