Minister di Husticia a pidi pa loke ta pasando, pasobra e ta esun cu ta carga e responsabilidad. E ta e prome yama y mester a sali dilanti pa loke ta criminalidad. E prome minister, Mike Eman tambe ta complice den e cos aki.
Presidente di e sindicato, Diego de Cuba, e Gobierno aki tin cu sinta hunto den ministerraad y nos pais ta uno asina chikito pa tin asina tanto bagamunderia ta pasando riba dje.
Nos pueblo ta lamenta y no di sindicato STA, ta harta cu e situacionnan aki tambe. Tin representacion den Hotel, nan ta representa trahadonan na IASA, Aeropuerto ATA y tur ta bin abao. E situacion di criminalidad aki, cua pais no ta bin abao den un situacion di criminalidad desastroso asina. Nos por mira nos pais bisiña con el a bin Abao pa motibo di criminalidad, tin varios pais cu a bin abao pa motibo di criminalidad. Por menciona full un lista di pais cu pa motibo di criminalidad. E no ta algo cu ta pordona pa loke ta trata turismo. Bo turismo, un di e prome factornan cu ta engrandece bo turismo, ta siguridad. Siguridad ta pesimo, turismo no ta bin bo pais mas. Aruba semper tabata conoci pa ta un pais trankilo, safe, bo por cana liber, no tin ningun problema. Pero awor aki el a bira un desaster. De Cuba ta duda cu tin un maneho planifica, structura pa por controla e situacion aki. Segun de Cuba, e momento a yega pa sinta den un team formal. Ta compronde cu varios dialogo a wordo teni, pero decisionnan concreto formalisa un comision berdadero pa ataca e problema aki, de Cuba no ta kere. Y si nan a haci’e, e no ta funcionando. Ta imposibel pa e criminalidad di a pa dia ta subiendo constantemente na Aruba. E minister di Husticia ta esun prome yama y lamentablemente e tin cu wanta e golpi. Pasobra ta e ta esun cu ta responsabel pa e situacion aki.