Diaranson STA lo papia un biaha mas riba e fecha di e referendum, pa loke ta e trahadonan di ASTEC. Mediador tin cu informa e sindicato pa wak ki dia e fecha di referendum tuma luga. Mayoria di trahadonan di ASTEC ta fuerte para den nan decision. Nan no kier pa e sindicato actual representa nan mas y a acerca STA. Y de Cuba a menciona cu si nan tin mayoria, nan lo bay guera pa nan. E ora zero ta yegando. Mediador mester dicidi si e referendum ta bay door si of no y ki dia e fecha lo bay ta.
Pa loke ta AMC Unicon, tin di compronde cu ta wardando riba un lista modifica di nan. Mediador a haya un lista, pero e no ta indica e posicion di e empleadonan.
Pa e Departamento di Instalacion di Airco, STA a pidi e referendum pa AMC Unicon y loke nan haya tampoco no ta diferente di cual mediador a solicita, segun Diego de Cuba.
Pa locual ta trata e referendumnan aki, mediador tin cu tuma decision ki dia y ki fecha e lo pone pa wak si e referendum ta bay door si of no.
STA logicamente e ta bay ta un peso extra riba e sindicato, pero nan ta cla p’e y nan a bisa cu e referendum aki ta bay door y e trahadonan di AMC Unicon keda cu e mesun pensamento cu nan tabata tin anteriormente y esunnan di ASTEC no tin duda den nan. Muy pronto cu e dos companianan aki lo conoce un sindicato nobo den nan compania, de Cuba a bisa por ultimo.