Por wak awendia departamento di autoridad cu mester ta un ehempel pa pueblo ta pone tatoo riba nan curpa cu tin biaha, ta hopi bisto. Pa hopi hende esaki no ta mustra un respet. A papia cu Diego de Cuba, presidente di STA, kende a haya hopi keho riba esaki.
De Cuba ta desaproba esey, pero cu tur respet cu tin tatoo riba curpa. E ta un mahos bista, segun de Cuba. Mahos bista caminda cu un hende ta presenta riba bo cu boshi tatoo. E screening cu tin cu wordo haci mester ta mucho mas severo, mas strict. Pero bo ta haya personanan cu despues di drenta den servicio bin cu tatoo, etc. Antes, si bo tin un tatoo riba bo curpa, bo no por haya trabao den Gobierno y ta un hecho.
Tin varios otro factor tambe, entre otro comportacion, estudio, si tin cierto disciplina y awendia e no tey mas. Aki na Aruba nos mester bay stop cu e pida ey di politikeria, caminda cu vriendjes politiek ta tuma luga. Mester ta fair cu tur hende. Esnan cu ta apto pa trabao por wordo scogi pa haci trabao. Den tur Gobierno nos por a conoce e fenomeno aki, dunamento di hende trabao pasobra cu a vota pa cierto politico. Na final e resultado di e servicio ta loke ta wordo critica den nos comunidad.
Diego de Cuba a sigui bisa cu e publico cu tin cu haya servicio, nan ta wak y ta bisa cu con cos a bay asina leu. Lamentablemente, tur e partidonan cu a goberna e pais aki, data for di hopi aña, nan tur a haci cos, pa duna hende trabao djis pa ta amigo. Y esey no ta bon. E ora eynan practicamente en bes di drecha e aparato gubernamental ta dañe un tiki mas. Tur gobernacion cu ta bin, tin cu bay. Loke subi tin cu baha. Awor aki tin e situacion ey caba, kico ta bay haci cu e hendenan aki. Hendenan asina tin cu bay duna nan her, om y bijscholing pa por yuda nan, pasobra ya nan ta eynan caba. Aki no ta trata di discriminacion, pero mester tin regla cu mester stipula pa un persona por drenta den e aparato gubernamental.