Por a scucha hopi hende ta yama ta bisa cu Hulandesnan ta bay tuma over, cu no tin trabao mas Arubiano na APA. Diego de Cuba, presidente di STA a splica cu nan a wordo invita pa un reunion cu APA y a bay sinta pa wak kico ta pasando precisamente y esey no ta e caso. Dia cu STA a firma e ultimo contracto colectivo cu Aruba Ports Authority NV, a hinca den e CAO cu tur e hendenan aki nan cupo di trabao lo keda salvaguardia te cu 2018, te ora cu e CAO aki caduca. Kiermen ningun hende lo perde nan trabao y esey no lo bay ta e caso tampoco na APA. Tin di compronde for di gerencia cu lo tin cambio. Nan tabata bezig cu Iscus, pero APA no tin nada firma cu Iscus. Awor APA ta bezig cu un otro compania cu ta mas caro cu Iscus, pero no ta descarta e posibilidad cu APA lo bay drenta den lama cu e hendenan aki y laga iscus un banda. E exigencianan di Iscus ta demasiado halto y segun de Cuba, no ta prudente pa bay nabega den e awanan ey awor aki. Si bo bay haci esey, manera cu a wordo splica door di APA, tin cu manda tur capitan riba un curso di 2 aña y esey ta casi imposibel. E ta trece un gap basta grandi si haci esey.
Pa loke ta siguridad na APA, sa cu tin hopi hende ta preocupa, tin hopi hende nervioso tambe y logicamente ora cu nan bin abao for di Barcadera bin Playa, nan a bira mas hopi y logicamente e overtimenan tambe ta cay. APA a splica STA cu nan a ripara cu ziektemeldingnan a subi atrobe y tin miedo cu ta un tendencia.
STA a bisa cu no ta kere cu e empleadonan ta meldziek pa otro traha overtime. Segun cifranan di APA, nan ta analisa e situacion y ta kere cu esey por ta e caso. STA no kier pensa den e direccion eynan mes. STA ta sigur cu e empleadonan aki ta eherciendo nan trabao manera debe ser na APA. STA tabata tin tambe combersacion riba e loodsnan y diahuebs atardi lo compaña e loodsnan den un reunion cu nan tin cu APA riba nan bezoldiging y tambe un functiewaardering a tuma luga y kier a bay papia riba esey tambe.