STA tin un preocupacion na aeropuerto door cu a ripara cu aeropuerto ta sigui cu outsourcing di cierto trabaonan, segun Diego de Cuba, presidente di sindicato STA.
Trabaonan den construccion ta cosnan temporal. Eseynan ta companianan priva ta bin haci nan. Pero a ripara cu tin hende ta cana rond y tin di compronde cu nan ta outsource e hendenan aki. Tambe tin di compronde cu nan kier outsource loke nan ta yama e runnernan pa yuda den Cuepro di Siguridad y a bisa cu esey cu no ta acepta bao di ningun circunstancia. A papia cu minister Mike de Meza. A touch e asunto aki door cu e ta e minister awor aki, pa e sa pensamento di STA kico nan ta pensa di outsourcing.
Dicon no outsourcing
STA ta un di e sindicatonan cu ta contra di cheaplabor, compara cu otro sindicatonan.
Cheaplabor no ta cumbini ni e trahado, ni e Gobierno, pasobra e cantidad di placa cu e trahado ta bay cun’e den su saco cas ta masha tiki mes. Y e cantidad di placa cu e trahado ta contribui cun’e den caha di Gobierno, den AOV, AZV, den pensioen, e no ta mucho cos. Kico ta pasa, cu ta haya den un situacion cu si bay outsource, ta cheaplabor ta hinca den e compania y STA no kier esey. Ya caba Aruba conoce un base di hende cu ta gana entre minimum loon y 2200, e base ey ta 60 pa 70% caba. Awo bo ta haya un base hopi chikito di 30 pa 35% cu ta carga tur e peso di e chikito. Awo si keda expande e base di e hendenan cu ta gana sueldo minimo, cu ta gana bao di 2500 florin, si keda expande esey, bo ta hiba e pais den un situacion dramatico y desastroso. A wak caba kico esaki a conduci na dje. Mester a subi edad di pensioen di AOV y ora cu hisa e edad aki el a lastra tur otro pensioen bin cun’e, cual STA a mustra aña aden aña afo riba esey con e situacion eynan di cheaplabor, ta conduci na problema general y kier trata di elimina esey, of sikiera frena esey. A papia over di uitzendbureau tambe cu no kier mira mas aki riba.
Es mas, di parti di de Cuba, nan elimina tur uitzendbureau aki riba. Na final di cuenta e uitzendbureau ta gana placa riba e trahado su cabes. Esey ta bisa cu no ta necesario. Un compania, pesey e tin su HR cu mester haci su trabao y tuma e persona akinan den servicio permamente. Tur hende ta keda cu nan temporada di prueba di dos luna y despues drenta den servicio permamente, segun de Cuba.