Diasabra awor Pastoor Rey y Father Rafie conhuntamente cu comision Grot di Lourdes kier invita e pueblo di Aruba pero muy specialmente e parokianonan di San Nicolas pa e misa di ultimo Diasabra di luna cual lo tuma lugar na Grot di Lourdes. Pa 6 or y 15 net ora e prome rayonan di solo ta cuminsa sali lo cuminsa cu un rosario y pa 7 or e sacrificio di misa mes lo cuminsa mei mei di e barancanan y naturalesa na Weg Seroe Preto, San Nciolas.
E Diasabra aki lo ta uno special como cu despues di e sacrificio di misa lo sigui mes ora cu un koffiemorgen un tiki mas panort di Grot di Lourdes na Seroe Preto 26 cual ta cas di Sr. Juan Werleman. Aparte di koffie y bolo e mainta aki tambe lo bay tin bendemento di mata y tur e fondonan recauda lo bay pa asina sigui traha y mantene nos Grot di Lourdes. Pues un invitacion na e pueblo di Aruba pa join nos Diasabra awor 30 di September pa e ultimo sacrificio di misa di luna di September na nos Grot di Lourdes y despues pa bin sinta un rato gezellig na nos koffiemorgen y contribui na un bon causa.