FSTT ta organisa un biaha mas su grandioso fundraising event cu ta un Bingo DRIVE den parking lot di SETAR. Esaki lo ta di 3 biaha cu ta organisa e Bingo, e prome aña a tene na Club Caiquetio y di aña pasa a tene riba parking lot di SETAR cual a surpasa tur expectativa. Sigur lo tin premionan hopi atractivo mientras cumprando un ticket of un buki bo ta contribuyendo pa un bon causa cu ta e Cora di Aruba y pa otro proyectonan di trabaonan caritativo y social di FSTT.
FSTT ta un fundacion cu a empleadonan voluntarion di SETAR cu ta duna nan contribucion financiero mensualmente pa un bon causa.Tur aña FSTT ta yuda cu pakete di Pasco pa esnan di menos recurso y ta traha durante henter aña ta yuda cu trabou comunitario.
Henter pueblo di Aruba ta keda cordialmente invita pa e tremendo fundraising event cu lo tuma lugar diasabra dia 29 di october 2016 na SETAR parkinglot na Seroe Blanco cuminsando desde 8 pm. Entrada ta 10 florin pa ticket (porta lo habri desde 4or di atardi).
Lo tin bar y cushina bon surti na encargo di e boluntarionan di Cruz Cora Aruba. Ta bay tin un tremendo animacion di Rincon Boyz y doorprizes pa tur hende cu a sostene e tremendo Fundraising event y contribui na e bon causa aki.