Dia 15 di October ta dia Internacional di Garoti Blanco y strepi cora. Un simbolo internacional cu ya ta trata desde aña 1921 cu tin su nificacion den trafico pa personanan cu tin un limitacion di bista por mobilisa nan mes mas sigur y safe, segun Sari Wernet, terapista di rehabilitacion di FAVI.
Wernet a indica cu nan mensahe ta keda loud and clear cu nan sa cu no ta tur informacion ta yega na corda. Ta pesey ta importante cu a sali riba caya pa haci demostracion. Ora cu wak un cliente pa crusa, e lo hisa su garoti pa duna un señal na e automobilista, cu lo haci’e na altura di e wowo ora cu ta coriendo auto, nificando sea baha speed, para y si ta posibel pa zona un pito suave, pasobra hopi biaha e persona cu kisas ta uza garoti, su bista ta asina limita cu e no lo mira e auto a para si of no.
A ripara cu tin berdad hende no ta conciente di e garoti y e tabata bon pa wak bek cu ainda tin hopi pa sigui informa comunidad, ta keda importante pa FAVI y tambe ta wak cu tin otronan ta para. Pero nan ta lubida di zona e pito suave of duna e señal na e cliente pa e por crusa.
Pa FAVI, por fabor, usuario di di cualkier vehiculo, sea di motor of no, por ta nunca no a wak un garoti, ta spera cu door di medionan di prensa, e informacion por yega pa nan por para pa e garoti mas miho.
Wernet a agrega cu un di e motibonan cu e personanan cu limitacion ta riba caya ta pa motibo di insiguridad y/of miedo. Awe por a ripara cu no ta hopi ta para. Imagina si ta un persona cu ta bisa cu e lo bay subi riba caya cu su garoti, pero e mainta cu a subi cun’e, no a haya cooperacion di trafico, e chens ta grandi cu no lo bolbe bek sali for di cas. Lo kies e ora pa keda na cas y warda un persona hibabo Chines, of hibabo cumpra un catochi of hibabo un caminda cerca.
Nos problema pakico hopi cliente no ta uza nan garoti, ta comunidad mes. Pesey ta haci un apelacion na comunidad. Aruba ta toch bendiciona cu tin caminda, toch tin cierto parti cu tin acera. Tin un caminda pa por cuminsa y siña un cliente. Pero na final di dia, no por controla e trafico y e automobilista y comunidad, ta haci uzo di dje, Wernet a bisa por ultimo.