Diasabra awor e pueblo di San Nicolas lo dispidi di e imagen di La Birgen Peregrino unda tur hende ta invita pa participa

Despues di a keda honra cu e bishita di e imagen di La Birgen Peregrino na e misa di Santa Teresita manera un gran famia, diasabra awor 3 di September e pueblo completo di San Nicolas ta bay dispidi e bishita di e imagen di La Birgen Peregrino pa medio di un recorido door di caya /barionan di San Nicolas.
Bin cu bo auto y join e caravana cu lo sali for di Cas Curason di Maria miho conoci como Blue Army pa 8:30 di mainta compaña pa Pastoor Wilder den un recorido cu lo para na diferente punto pa duna bendicion.
Ta invita henter pueblo di San Nicolas pa para na canto di caminda of den bo cura di cas cu bo lenso of serbete color blauw pa zwaai y yama nos Imagen di La Birgen Peregrino ayo te un otro oportunidad.
Salida lo ta for di Cas Curason di Maria (miho conoci como Blue Army Center) @ Prinsenstraat bay ariba te na crusada (Prinsenstraat-Caya Corsou) lora na man drechi sigui te na crusada Pastoor Hendrikstraat lora na man drechi bay abou. Lo sigui core riba Pastoor Hendrikstraat pasa riba rotonde sigui direccion Elmar stop # 1 Pastoor Hendrikstraat # 39 (cas Fam. Lioe-A-Tjam) despues ta lora na man robes drenta Resedastraat y ta sigui core te yega Cayenastraat stop #2 den Cayenastraat ariba caminda.
Despues ta sigui core direccion Evangelical Church yega na crusada ta lora na man robes te ora yega crusada Bonaire Club/ Isaac Wagemakerstraat lora na man drechi stop # 3 Isaac Wagemakerstraat # cas di Fam. Martilia. Despues lo sigui awor direccion crusada Isaac Wagemakerstraat/ Weg Sero Preto yegando aki ta lora na man robes subi Weg Sero Preto despues di a pasa Safe-a-Lot stop # 4 Weg Sero Preto # 42-C, cas Fam. Janga. Sigui riba Weg Sero Preto direccion Grot di Lourdes, prome cu yega e Grot ta para na stop # 5: Fam. Chichi Lacle, pa sigui direccion nort pasando Grot di Lourdes te yega na veld “di Madushi aki ta stop #6. Ta yega na crusada Weg Sero Preto/Weg Sero Blanco caminda ta lora na man drechi sigui core direccion rotonde y aki ta baha bay zuid te na stop # 7: Weg Fontein # 128 Fam. Edith Joseph (banda pabou di caminda). Despues lo sigui riba Weg Fontein te yega crusada Greathill Weg caminda ta lora na man robes pa stop # 8: Fam Does y Fam. Peasch na Greathill Weg. Despues di esaki lo sigui riba Greathill Weg direccion Bottom Hill weg te ora yega bek ariba Weg Fontein, ta lora na man robes bay direccion zuid te ora yega na Rooiweg pa stop # 9: Fam. Henriquez na Rooiweg # 1, lo subi Weg Fontein bek direccion zuid y bay na stop # 10 cual lo ta na Weg Fontein 46, cas Fam Antonine Richardson. Nos ta sali Weg Fontein subi na man drechi Diamantbergweg bay te na stop # 11, Fam. Veronica Paul. Siguentemente nos ta sigui bay ariba te nos ta yega crusada Diamantbergweg/Juwanamortostraat y ta lora na man robes sigui te na stop #12: Juwana Morto # 36 cas Fam Ollivierre, despues di stop # 12 ta haya “Tienda Olivierre” lora na man drechi Sero Grandiweg direccion Juwana Morto Complex stop #13 na e Gazebo. Nos ta sali for di J.M.-Complex subi Sero Grandiweg yega na caminda grandi lora na man drechi subi Juwanamortostraat yega crusada Juwanamortostraat – Golfweg, lora un biaha mas na man drechi drenta Golfweg y nos ta para na stop # 14: Golfweg 5-A cas di Fam Gomez. Di aki nos ta sigui ariba Golfweg nos ta yega na e crusada pa drenta De Vuyst nos lo haci un stop na veld/open spot na banda drechi di caminda, pa despues sigui via de Vuyst direccion x-Costa Ariba Restaurant yegando e crusada cu mester bay Sero Colorado ta bira na man robes pasando dilanti Centro di Bario Lago Heights nos ta sigui ta yega na crusada Juwana Morto Straat -Quilstraat, aki ta crusa sigui ariba Quilstraat (pasando patras di Scol di Polis) te yega crusada Quilstraat-Soufrierestraat bira na man robes sigui via Soufrierestraat lora na man drechi drenta Paradijshuevelstraat pa stop #15: Fam. Vicente & Eda Thiel Paradijsheuvelstraat 14. Lo sigui bay abou te yega na crusada St. Catharinastraat bira na man drechi sigui y baha e sero di Lago Heights bay ariba Staringstraat, ora cu caba di pasa e entrada di “Lago Heights Park” ta subi Bernhardstraat pasa Valero Essoville, lora na man drechi y drenta Orinocostraat y ta sigui te na stop #16: Fam. Frederick & Cate Brooks – Orinoco Straat #9. Lo sigui riba Orinocostraat lora e bocht yega crusada Orinocostraat – Missisipistraat lora na man robes sigui te na crusada Missisipistraat – Bernhardstraat, lora na man drechi subi Bernhardstraat core yega na crusada Bernhardstraat – Lagoweg aki ta lora na man robes subi Lagoweg bay direccion “Refineria” jegando na entrada ta para e caravana na e entrada pa orashon. Despues lo sigui via Lagoweg – Helfrichstraat – Nevistraat – St. Maartenstraat – Caya St.Thomas – Bernhardstraat sigui te cu Prinsentraat Fam. Audeta Richardson y di akinan lo sigui pa Cas Curason di Maria (Blue Army Center) lora na man robes subi Caya Dick Cooper sigui te na skina subi Bernhardstraat bay direccion misa St. Theresita pa asina termina e recorido na Theresita Center.

Comments

comments