Tur prome diasabra di luna tin Santo Sacrificio di Misa na Alto Vista. Pastor Jairo Maduro ta sigui cu e bon custumber cu tin misa riba e prome diasabra di luna. 6:30 di mainta ta cuminsa cu Santo Rosario y 7:00 ta sigui cu e Santo Eucaristia. Nos ta resa pa e pueblo di Aruba, pa tur esnan den necesidad corporal y spiritual, pa nos enfermonan na cas, den hospital y esnan den exterior, pa nos grandinan den cas di cuido y na cas di nan sernan keri, y pa nos defuntonan stima.