Manera ta un bon custumber ya pa 30 aña tur prome diasabra di luna tin Santa Misa na Alto Vista pa 7 or di mainta.
Legion di Maria di Sta. Cruz ta invita tur hende pa asisti. Na salida di solo tin Santa Eucaristia canto di lama, cu aire fresco y sonido di lama den nos medio ambiente. Pa 6.30 di mainta prome cu misa ta cuminsa cu e Santo Rosario na honor di Mama Maria di Alto Vista, ta resa pa Pas den tur hogar, pa tur esnan den necesidad corporal y spiritual, pa nos enfermonan na cas, den hospital y esnan den exterior, pa nos grandinan den cas di cuido y na cas di nan keridonan pa no lubida pa esnan cu ta temporario a perde nan libertad.
Cu poder di Dios nos ta sigui cu e bon custumber aki. Tur hende ta bon bini na e ora Sagrado aki cu ta un comienso di un dia bendiciona. Nobena di Inmaculada Concepcion ta cuminsa diahuebs 29 di november pa 6,15 pm, despues ta sigui Santo Sacrificio di misa pa 7 or. Tin calendario liturgico depues di misa pa bende