Sra. Sharin Luydens, directora di Censo ta elabora tocante e studiantenan cu mester pasa mañan diaranson 1 di Augustus.
Sra. Luydens ta splica cu a manda e emailnan p’e studiantenan cu nan orario, fecha y luga cu nan mester bay pa schrijf uit. Esaki lo ta na hoofdkantoor den Schoolstraat 2 mañan diaranson 1 di Augustus. Cada studiante a haya un orario pa haci e proceso mas eficiente. Nan tin cu haya nan geboorteakte y nan uitschrijvingsbewijs pa wordo inscribi na Hulanda. Ta importante ta p’e studiantenan sa cu e mester schrijf uit na e destinacion cu e lo bay schrijf in na Hulanda. E sistemanan ta traha di ta manera cu e momento cu un persona schrijf uit di Aruba y e scoge un destinacion, e berichtenverkeer ta bay p’e destinacion ey. Esey ta haci cu si e persona bay un otro destinacion ora e yega Hulanda cu no ta e destinacion cu el a scoge prome, e destinacion cu e bay lo no tin su informacionnan, pasobra e informacionnan ey a wordo manda p’e destinacion cu el a scoge prome.
Por ultimo, Sra. Luydens ta spera cu e studiantenan por sigui e reglanan aki pa evita cu ta crea un estorbo innecesario pa nan mes y cu tur studiante mantene nan mes na e orarionan cu nan a wordo asigna na dj’e mañan diaranson 1 di Augustus na hoofdkantoor den Schoolstraat 2.