Diaranson 12 di september, SIMAR lo bay eligi su directiva nobo. Esaki mester a tuma luga caba na mei, pero door cu no tabata tin suficiente interes esaki no a bay door.
Tambe, minister di Enseñansa a institui un Organisacion pa Traha, pa haci investigacion pa haci investigacion di airco. Den pasado, algun scol a trece dilanti e problematica cu calor y cu no tabata tin airco. Despues a entrega un manifiesto na minister, y despues minister a duna tarea pa haci un investigacion na tur e scolnan, hunto cu tur e scolnan. Y diaranson lo tin e resultado di e conseho entrega na e minister.
Pa loke ta e eleccion, ainda e directiva actual no ta na altura si lo tin hende cu a postula nan mes, pero si tin 2 cu a bisa cu nan si ta dispuesto pa sigui cu e directiva. Sra. Maroeschka Cornelie a entrega su retiro di inmediato, y su trabao ta dificil pa combina cu SIMAR.
Tabata tin momentonan cu a evalua, cu si no tin directiva nobo, cu lo sigui cu e trabao. Pero Sra. Sheila mes tin cierto proyectonan su dilanti, cu ta haci e trabao como presidente di SIMAR dificil. Y mirando e desaroyo den SIMAR, e lo mester tin un hende full time pa atende cu e sindicato.
Pa loke ta e airco, esey sigur ta un logro pa SIMAR, ya cu awo tin un bista real di loke ta pasando na e scolnan, como tambe e situacion real na scolnan. Y tambe e problemanan real pakico e scolnan no a yega na airco. Prome cu esaki a duna un conseho na minister. Y ta keda na minister con ta haci esaki. E ta un suma grandi, pero lo mester bay awo pa traha pa esaki. SIMAR a papia cu minister si, unda cu anterior na e investigacion aki, tabata tin shete scol ariba lista cu a haya airco caba, pero minister a para esaki pa e investigacion.
Pero ya tres scol a cuminsa cu esaki caba, y e cuater scolnan e minister a duna ok pa e 7 scolnan cu tabata anteriormente ariba lista pa sigui cu esaki y despues lo wak con ta bay cuminsa cu e otro scolnan.
Asina tameb SIMAR ta haya un bista ariba esaki. Nan sa cu e ta un prijs un tiki halto, pero lo wak con ta bay traha cu esaki. Awendia airco no ta un luho mas, e ta un necesidad enorme. Atrobe ta drentando e epoca di calor, unda ta haya docentenan cu ta informa di e calor y cu e muchanan ta bira malo. Esaki sigur tin atencion di SIMAR, segun Sra. Sheila Tromp, presidente di SIMAR.