Diaranson awo Corte di Apelacion lo dicta sentencia den caso Fundacion Lotto Pa Deporte

Despues di lunanan di espera, y cual sentencia na mas di un ocasion a wordo posponi, Corte di apelacion lo dicta sentencia definitivamente diaranson awor 24 di juli 2019 den e caso di directive di Lotto pa deporte.

Esaki a keda informa door di vocero di Corte por medio di un comunicado. Segun e comunicado, e sentencia ta programa pa keda presenta diaranson proximo pa 9 or di  mainta. E sentencia tin cu determina kico ta pasa cu e directiva di Lotto, esta si nan ta keda sinta of si nan lo mester entrega/bandona nan puesto.

Manera a indica caba, ta trata di e veredicto den e caso di apelacion unda cu gobierno kier ‘core’ cu e miembronan di supervision (RvT).  E caso tabata uno unda cu gobierno a bay corte pa asina pidi huez pa core cu e miembronan di hunta di supervision, pasobra nan no ta coopera cu gobierno y no ta permiti gobierno haci cambio. Den e prome caso, huez a dicta contra gobierno, prohibiendo gobierno di mete, y a impone te hasta un multa si gobierno haci esaki toch. Gobierno a apela, y e sentencia lo ta otro siman, diaranson, 24 di juli.

Comments

comments