Sr Rino Hermans cu ta director di CMO Aruba a duna di conoce cu e proyecto di shete aña ta yegando su fin y pa e bira operacion na Aruba, diaranson 19 di maart pa 4or atardi lo cuminsa test un pa un pa motibo di e contracto cu e compania tin deliver e torennan completo.
Diahuebs 20 di maart 2025, lo tin e lansamento na rotonde cu tin pabou di pizza hut unda eynan tambe tin un di e sistema di sirena instala y pa 11:07 mainta tur lo zona un biaha mas pa e Carib Wave 2025.
Den e prome fase a instala 8 di e polenan, y e segundo fase lo ta 8. E polenan aki ta traha y tin cu produci, y asina lo tin Aruba cubri. foi 2014 a bin cu e cambio di maneho di e disaster management pa reduci desaster na tur pais na mundo. Na 2022 nacion uni a bisa cu pa 2027 tur pais mester tin e sistema di Early Warning instala, e tin beneficio. Awor aki algo pasa ta dura 40 minuut pa informa pueblo, pero cu e sistema aki lo keda reduci na 8 minuut, una bes cu confirma cu e ta inminiente cu por costa bida di hende y ta saca e alerta.
Sr Rino Hermans a menciona cu durante e lanzamento di sirena mayan 11:07 mainta cu ta e CaribWave ta momento cu tin scol y negoshinan habri el a menciona cu na 2016 a cambia e maneho di e desaster y crisis y a aserca tur scol y hotel pa traha nan plan di emergencia y awor aki cu pasa riba nan plan a cuminsa cu e early warning hacie operacional, y ta keda cu ayudo di prensa pa convence cada hogar tin un plan di emergencia. Mayoria di scol tin nan plan di seguridad caba.
A puntra sr Hermans pakico a pone mayoria pole na parti zuid y costa di Aruba, el a splica cu estudio a duna di conoce cu entre 5’or di mainta te cu anochi laat cu mayoria actividad ta tuma luga na zuidwest di Aruba, entre waf di playa pa light house, mayoria deposito di cuminda, hospital ta den e area aki y ta union europeo a financie a pone condicionnan cu tin cu cumpli cune.
