Nos a drenta un Aña Nobo yen di positivismo y speransa. Sigur nos tur ta agradecido pero tambe nos lo tin cu conforma cu loke lo bini. Specialmente den caso di malesa.
Pa tur bondad y bendicion cu nos ta desea di ricibi di nos Señor, nos lo por acudi na e prome Rosario Bibo diaranson awo 11 di januari pa 7 or y mey di anochi na kapel di Alto Vista.
Nos lo sigui resa pa nos famianan, nos hobennan, tur nos lidernan cu ta guia nos pais pa semper positivismo y confiansa reina den curason di cada persona cu ta biba ariba nos dushi Aruba.
Un bes mas comision organisado ta invita tur hende adulto y hoben pa asisti na e prome Rosario Bibo diaranson awo 11 di januari pa 7 or y mey di anochi na Alto Vista.