Durante un evento organisa pa Bossi Security Aruba, Diana Wever-Salcedo di Medwork a splica dicon e tema aki ta cuminsa bin padilanti.
Awor aki ta bezig cu e topico di Acoso sexual na pia di trabao. Vooral cu tin un opdracht cu Gobierno unda cu ta bay haci advisory Services riba ARBO Wetten, cu ta leynan di labor. Den un di e capitulonan sigur ta bay toca acoso sexual na pia di trabao. Door di esey ta bezig cu tur investigacion, ta bezig ta yuda companianan, ta yuda e victimanan tambe. Esey tambe ta den rol di Wever-Salcedo como psicologo, pero tambe ta duna conseho na companianan. Tin ora nan kier toca e tema, pero nan no sa exactamente nan tin cu considera. E ora por duna un man den esaki.
Acoso sexual ta hopi presente. E cifranan ta moeilijk pa sa exactamente con hopi, door cu ta un topico cu ta dificil pa hende raporta. Nan tin miedo di hopi factor. Por ehempel tin miedo di e berguensa. Tin hende ta bisa cu ta haci algo pa haci cu e comportacion aki ta bin padilanti, of cu hende ta bay pensa cosnan robes of cu otro trabao nan ta haya un stigma y ora cu cambia di trabao, e ora esey ta bay sigui nan. E parti social cu por ta e parehanan mes ta pensa cu por ta e victima tin culpa den esaki. Of por ta nan no sa unda por bay of den compania ken ta e miho persona pa acudi. E ora eynan tampoco no sa si ta ok pa bin dilanti cu esey. E otro factornan por ta nan no ta sigur si e ta cay bao di acoso sexual. E por bay di cosnan hopi simpel pa cosnan uitgebreid, manera un comentario tur dia di e saya di hende muhe. Den e temponan aki a haya hopi acercamento di hende muhe den area laboral cu a bisa cu no ta bisti saya mas, sino ta haya tal comentario. Esey ta cay bao di acoso sexual. E por bay te na violacion te na pia di trabao. E punto ta cu si e persona no a pidi pe, e persona no ta desea y e ta incomodo door di esey, e no ta suppose di ta pasando aden, e ora e ta cay bao di acoso.
Na Aruba actualmente e casonan cu Wever-Salcedo a maak mee, mayoria ta hende muhe. Pero esey no ta nifica cu e hende homber no por cay bao di categoria di victima, esey tambe lo por. Djis cu e experiencia di e profesional, e investigacion ainda falta hopi y na Aruba mester haci mas investigacion y hendenan mester wordo stimula pa yena e encuestanan y companianan mester invita hende pa haci investigacion den nan compania pa asina haya mas estadisticanan riba esaki.