Diamars awor lo tuma luga e gran celebracion di Virgen di Lourdes rond mundo, aki na Aruba un biaha mas esaki lo tuma lugar na Grot di Lourdes na San Nicolas. Pastoornan di e Misa di Santa Teresita kier invita tur parokiano di San Nicolas y henter pueblo Aruba pa e gran celebracion aki cu lo cuminsa cu un procesion cual lo sali pa 5or di atardi for di misa Santa Teresita na San Nicolas via Weg Seroe Preto direcion di Grot di Lourdes.
Pa 6or di atardi e misa mes lo cuminsa na Grot di Lourdes bou guia di differente pastoornan di Aruba. Grot di Lourdes tur aña riba e fecha special aki ta haya bishita di hopi persona di tur rond di Aruba pero tambe turistanan cu ta bini bek na e sitio di oracion aki pa asina gradici pa milargernan cu nan a ricibi pa nan mes of pa un ser stima.