E siman a habri cu Dialyse kliniek ta cumpliendo 35 aña na Aruba pasobra antes tur pashent ta bay pafo pero 35 aña pasa a cuminsa cu esaki na Aruba mes pa cual aki director financiero, Theo de Kool di hospital ta splica mas di e fecha aki.
Ora cu e departamento di dialysis a bisa cu nan lo bay celebra 35 aña di existencia, de Kool a puntra con. A cuminsa pensa cu algun hende lo mester celebra 35 aña y tin algun di nan ta bishita e clinica riba un base diario. Ta mustra cu e ta algo normal pa mayoria di nan y pa hopi hende e ta special. Por ta e diferencia entre e regularidad di 35 cu no ta algo cu normalmente bo no ta celebra, Tin e diferencia entre e 35 aña y loke por mira aki ta loke ta haci’e special. De Kool a keda den shock dos pa tres aña pasa, cu Aruba ta den e top 3 paisnan na mundo pa loke ta fayonan renal. Pero e ta nifica cu tin mester di dialysis. Y ta algo cu nos mester ta orguyoso di dje. Ta algo cu ta costa hopi placa. Pero si bo gasta placa y si bo organisa corectamente por ta posibel pa hende por tin relativamente un bida normal y pa celebra bida. Dialysis ta un di e departamentonan cu tin e cuido nacional. Durante e celebracion por a mira algun di e empleadonan di Imsan, cu sigur ta mustra un cooperacion entre Imsan y Hospital, pa loke ta dialysis.
E ta tanto bon pa Imsan y pa Hospital y tambe bon pa e pashent. No ta nada unda e bay. E cuido ta caminda cu tin cu wordo duna cerca di cas. Pa e siman aki lo bay tin un otro reunion pa asina amplia e cooperacion entre hospital y Imsan.