Dialuna awor tin kijkdag pa auto y brommer na tres diferente warda di polis

Alto mando di Cuerpo Policial di Aruba ta organisa tres kijkdagen relaciona cu tur e vehiculo(autonan y brommernan) staciona na diferente warda di polis. Algun di e vehiculo a wordo confisca durante accion di trafico di polis, algun vehiculo a wordo haya banda di caminda of den mondi dor di polis, algun vehiculo ta procedente di ladronicia, etc.

Tin hopi vehiculo cu ta na e localidad di cuerpo policial pa basta tempo caba algun mas cu tres aña. E cantidad di e vehiculo aki ta stroba e funcionamento na e localidadnan aki.

Comunidad por pasa libremente y wak e vehiculonan. Si abo ta un doño di auto  y por demostra cu documento cu un vehiculo ta di bo of cu abo tin tur documento na ordo.

E kijkdagen nan ta tuma luga dia: 19, 20 y 21 juli 2021. Esaki lo tuma luga na warda di Shaba/Noord, Santa Cruz y Balashi. E orario lo ta di 09:00 mainta pa 2:00 atardi durante tur tres dianan aki.

E persona cu ta bay pa bishita e kijkdag / regla su asunto di vehiculo por pidi na e warda di Noord  of Santa Cruz pa e Chef van Dienst y na Balashi pa un funcionario di e Bureau Beheer  Vervoersmiddelen (garashi di polis).

Tene cuenta cu KPA ta autorisa pa cobra e suma di Afl 25,= pa cada dia cu un vehiculo ta riba tereno di KPA (Retributie- en legesbesluit Korps Politie Aruba 2002). Apart di esey si e ta un caso di papelnan vigente (seguro, belasting, etc.) e doño mester tin tur su papelnan na ordo.

Despues di e periodo di kijkdagen aki e diferente vehiculo lo (por) wordo destrui.

Comments

comments