Dialuna awor e temporada di vakantie grandI ta den ful accion. Scol di Musica Rufo Wever, bou guia di Sr.Carlos Bislip; manera anteriormente menciona a prepara un temporada di 20 dia educativo y divertido pa nos mucha y hobennan: ‘Aruba Music Camp 2018’.
‘Aruba Music Camp 2018’ lo sera e participatenan conoci cu e diferente instrumentonan y technica musical; ta trata aki di Drumset & Percussion, Violin, Piano y Canto.
Inicialmente e camp aki lo mester a tuma lugar na playa como tambe na San Nicolas, pero mirando e acontesimentonan actual Scol di Musica Rufo Wever a haya e oportunidad pa traha hunto cu Doc Opleiding y asina aki a dicidi di muda tur e lesnan di musica durante 20 dia na Doc Opleiding situa na patras di Dimas.
E camp aki ta uno hopi intercativo pa mucha y hoben cu gusta musica. Loke ta haci e camp aki uno hopi special ta cu e scol di musica a invita docentenan internacional specialisa pa inspira cada un participante.
Pa loke ta lesnan di Drumset & Percussiony Paino por conclui cu mirando e interes grandi esaki ta ‘sold out’. Orario pa les di canto y violin lo ta 1’or di merdia pa 4’or di atardi, na Doc Opleiding.
Ainda tin algun lugar pa lesnan di Violin y Canto cu por inscibi pa nan ainda dialuna entrante. Orario pa les di canto y violin lo ta 8.30 di mainta pa 11.30’or di merdia, na Doc Opleiding.
Cu excepcion di e Camp di Piano, cu lo tuma lugar na “Rialto Piano Lab situa na Steenweg 4 den centro di Oranjestad; cuminsando 9 di juli pa 3 di augustus 2018, di dialuna pa diabierna. E camp lo ta parti den dos seccion pa les; seccion 1 lo ta di 8:30 d mainta pa 12.30 ’or di merdia pa 3or di atardi.
Mirando tur e acohida rond di Aruba Music Camp a organisa lesnan personal priva di 1 ora riba nivel avansa pa tur e personanan cu ta desea di haya les di un di e docentenan internacional, pa un prijs atractivo. Tuma nota cu esaki ta solamente por medio di un booking separa.
Pa registra por manda un email na [email protected], incluyendo nomber completo di participante, edad, fecha di nacimento, e intrumento specifico di camp cu ta desea assisti.
Pa mas informacion por tuma contacto cu Scol di Musica Rufo Wever na 592-6449.