Compromiso di Gobierno ta pa por crea e posibilidad pa 1000 vivienda wordo construi. Esey kiermen cu mester percura pa tin e posibilidad di tin tereno. Na luna di februari a anuncia e forma transparente cu hende ta bin na remarke pa haya tereno. Pa cual ta gradici Minister di Finansas y henter Gabinete, pa fondonan cu a wordo poni disponibel den e presupuesto (dificil) di 2018. Cu ta hacie posibel cu DOW por a haci inbreiding di tereno pa por verkavel /otorga esakinan.
E lista di personanan cu a haci peticion pa tereno at hopi largo, sinembargo awor na un forma transparente ta atendiendo cu esaki. Na maart a haci conoci y na luna di mei a entrega 364 percela pa contrsuccion di cas. A percura pa atende cu esnan cu tin mas cu 15 – 20 aña wardando te cu aña 2000. Na e momentonan aki ta den e proceso entre añanan 2000 te cu 2005, pa cual dialuna atardi lo tin e honor pa otorga casi 250 tereno. Asina poco poco yegando e meta di cu 1000 tereno pa aña mester por wordo haci disponibel pa nos comunidad.
Den e proceso cu ta andando a percura pa terenonan wordo habri na Sero Biento, Sabana Liber, Buena Vista, Turibana entre otro. Na e momentonan aki den e proceso nobo cu ta andando, DOW ta den fase di ‘aanbesteding’ y trabounan ta cuminsa na Boroncana.
Pa ta mas specifico:
E proceso nobo cu ta continua despues di e casi 250 terenonan cu ta wordo otorga dialuna venidero, lo cuminsa cu proyectonan na Boroncana, Calabas, Jaburibari, Jara, Macuarima, Noord, Santa Cruz, Sjabururi, Tanki Flip y Tanki Leendert.
E maneho ta pa distribui rond di nos isla mas cu ta posibel locual ta tumando lugar, pendiente pa cuminsa otro aña cu e proyectonan na Tarabana, Eagle, Sero Colorado y e di 2 fase na Jaburibari.
Pa locual ta e aspecto di proteccion di naturalesa cu ta aplica den e verkavelingsplan nan aki, 20% di e area mester wordo manteni como area berde.