Dialuna 8pm na Flatstone Celebrities ta enfrenta Blackhawks den nan wega number 2 di e serie di best out of 3

Playoff HEINEKEN fast pitch di Aruba Softball Bond den categoria A-Klas ta continua dialuna 12 di September cuminsando pa 8pm na veld di Flatstone. Desde fin di siman pasa a inicia Playoff fast pitch A-Klas unda Piratas kende a clasifica na prome lugar a derota Celebrities dos biaha y a pasa asina pa final. Blackhawks kende a elimina Final Touch den 2 wega a pasa pa hunga un serie nobo di 3 wega contra Celebrities. Dialuna anochi 8pm na Flatstone wega number 2 lo tuma luga y si ta necesario diaranson 14 di September pa 8 pm na Kudawecha un wega decisivo. Ganador di e serie aki entre Blackhawks y Celebrities lo pasa pa hunga e gran final contra Piratas den un serie di best out of 5 pa determina kende lo bira campeon di Aruba unda automaticamente e lo wordo promovi pa AA . Fanaticada weganan ta tremendo pues pasa tereno bin disfruta di e tremendo clash. Softball fast pitch den pleno desaroyo.

Comments

comments