QUITO, Ecuador – E fase publico di e dialogonan di paz entre Gobierno y ELN lo cuminsa dia 27 di October na Quito, e comunicado conhunto cu a wordo revela na Caracas (Venezuela) e voceronan di e delegacionnan di paz.
Segun e documento, “e agenda di combersacionnan lo cuminsa cu punto 1. “Participacion di e sociedad den e construccion di paz.”
“Adicionalmente, lo bay traha riba e subpunto 5f. “Accion y dinamiconan humanitario,” e comunicado conhunto di “Gobierno y ELN a agrega.
Den e anuncio, e partinan tambe a anuncia cu lo libera dos secuestrado cu ta den e poder di e guerilla, prome cu dia 27 di October. Un di e casonan ya a haci efecto dialuna ultimo na Arauca.
“Ademas, cada un di e partinan lo tuma luga, a partir di e fecha, otro accion y dinamiconan humanitario pa crea un ambiente faborabel pa paz,” precisa e partinan desde Caracas.
Ta spera cu ELN laga den libertad den e proximo oranan e ex representante di e camara Odin Sanchez, kende ta secuestra pa e guerilla desde luna pasa April, pa e cambio di su ruman Patrocinio Sanchez.
Gobierno y ELN a anuncia un fase publico di combersacion na inicio di e aña aki. Sin embargo tur a keda paralisa pa e secuestronan cu ta continua ta realisa pa e grupo aki.
Ademas, iglesia Catolico tambe a anuncia cu den e “proximo dianan” e pais lo conoce un bon noticia di parti di Gobierno, pa loke ta spera cu e anochi aki lo porwordo confirma na comienso di e fase publico cu lo wordo realisa na Quito, Ecuador.
Fuente: RCN Noticias