Diamars pa 1’or di merdia Gobierno di Aruba a yama un conferencia di prensa relaciona cu e mal tempo cu ta acercando ta yegando basta lihe y a pone esaki como un Tropical Storm Warning.
Prome minister a menciona cu e tempo aki a aumenta un velocidad di 25 km pa ora te cu 38 km pa ora unda esaki ta duna di conoce cu ta yega Aruba poco mas trempan. E tin hopi consecuencia cune. Pero ta spera cu e tempo rond di diaranson 6or atardi por sinti efectonan. Aruba ta den codigo oraño pa diaranson merdia nos ta den codigo cora ora cu ta mas cerca. Kico por spera di esaki hopi awacero.
Cu esaki Gobierno a informa cu no tin scol diahuebs y ni diabierna. Asina ta evita cu mayornan y muchanan ta riba caya durante cu e tempo aki ta pasando banda di nos y por tin basta awa riba caya.