E dia tan spera ta yegando esaki ta e weekend. Mayan diadomingo nos ta wardabo
aki mes na Santa Rosa cu nos mercado cu ta cuminsa for di 8’or di mainta y ta bai te
cu 1’or di merdia. Nos ta bai tin diferente tento di nos producto local na benta
especialmente na nos bishitantenan.
Nos mercadonan ta bon bishita for di mainta trempan prome cu e benta
cuminsa oficialmente. Bishitantenan for di tur skina ta yega pa asina probecha di e
productonan fresco cu tin obtenibel.
Nos mercado taconta sigur un biaha mas cu remedinan di tera produci pa nos
hendenan local. Remedinan di tera cu ta data for di siglonan pasa cu nos grandinan
tabata prepara. Awendia hopi ta e yiunan cu a tuma e receta aki na nan conocimento y asina sigui cu esaki di cual awendia a bira un tradicion.
Otro di e prductonan hopi gusta ta e habon nan cu ta wordo traha awor den
diferente fragancia. Holorna agradabel pabo por tuma un bon baño y laga bo piel bon
prottegi cu e habonnan aki. Tin tambe Body Lotion y Body Scrub pa esnan cu gusta
cuida nan piel.
Cuminda crioyo ta na bo gusto pa asina bo por yega y cumpra pabo saboria
Mayan diadomingo 25 di Maart wak pabo tey nos ta wardabo pa pasa un rato
serca nos for di 8’or di mainta te cu 1’or di merdia y disfruta di nos mercado. Bin
trempan pabo no mester di lamenta.