Relaciona cu e proyecto Milieustraat, Aruba Tourism Authority y Serlimar ta recorda cu diadomingo awor, 4 December, lo bai tin e containernan disponibel na Don Elias Mansur Ballpark (parking lot) na Dakota. E horario lo ta di 8’or di mainta pa 2’or di atardi.
ATA y Serlimar lo ta den e districtonan mas grandi di Aruba, ofreciendo tur cas den nos comunidad e oportunidad di prepara y haci limpiesa pa fin di aña. Probecha y no warda te ultimo ora pa cuminsa cu e limpiesa mas grandi di aña!
Milieustraat
Cu e generoso sosten di ATA, dicho proyecto lo wordo ehecuta dor di Serlimar den e concepto di un “milieustraat” of “caya di medio ambiente”.
En breve, e “Caya di Medio Ambiente” ta ensera e deposito di grofvuil den containers specialmente pa e publico general.
Grofvuil ta ensera e siguiente desperdicio di cas: desperdicio di cas general y artefactonan grandi manera wasmashin, meubles bieu y como tambe desperdicio di hardin (mata, yerba, troncon etc.). Lo ta bay tin supervisors presente na tur momento, specialmente pa dirigi y asistibo den esaki y nos ta conta cu e cooperacion di un y tur.
Preveni dengue, chikunguya y zika
Ta temporada di awasero atrobe pues ta e momento pa controla cada skina di bo cas of cura pa mira si tin criadero. Elimina criadero dor di haci limpiesa na cas y den bario.
Pa mas informacion, comunica libremente na 5245080 of busca nos riba Facebook.com/serlimararuba.