Diasabra mainta te cu 3 or atardi prome biaha den historia Departamento di Impuesto Aruba a tene un drive thru relaciona cu buscamento di plachi number di auto pa aña 2020. Manera ta conoci e medidanan di Gobierno relaciona cu e CoronaVirus cu a dal mundo henter ta pone cu e distanciamento y aglomeracion ta hunga un rol pa e servicio di tur aña busca e plachi number na e manera conoci.
E aña aki a hacie diferente, como un drive thru, diasabra a tene e prome A-1 te cu A-2000. Sra Meverly Romano a menciona for di mainta trempan tabata tin basta auto den rij pa yega na turno, manera a start e trafico a sigui move. A reparti basta plachi number como prome biaha riba e prome dia. A ricibi hopi bon comentario nos ta satisfecho cu esaki y ta gradici e publico henter cu a acudi pa busca e plachi number. Ta continua diadomingo 9or mainta te cu 3or atardi.
https://www.facebook.com/masnoticia/videos/576985333256011/
Diasabra a atende 620 auto tin auto a busca mas cu un plachi, cu ta sea 1,2, te hasta 4. Lo reparti plachi number di A-1 te A-4000 asina nos a mencione den un conferencia prome y diadomingo nos a haci un excepcion y a subi a esaki 2000 mas y lo reparti te A-6000. Ta pidi tur hende pa tin e documentonan na ordo e pago di e impuesto di 2020 y seguro na ordo.
Nos tin cu gradici DOW pa baricada y Cuerpo Policial Sr Maduro cu a duna un man masha grandi pa e trafico y den siman a reuni cune pa duna nos sugerencia maske DIMP tabata preocupa pa e trafico cu ta bay causa un aglomeracion rond di nos edificio pero esaki a bay bon cu cooperacion di Cuerpo Policial.