Diabierna 9 y diasabra 10 di December Foundation Aruba lo organisa nan Christmas Fair dilanti di Cosecha Oranjestad riba Plaza Padu.
Lo bay tin diferente artesano presente cu nan productonan traha na Aruba. Productonan cu por encontra e dia aki ta por ehempel cuadra, productonan traha di glas, koper, klei y mucho mas.
Tambe Cosecha Oranjestad lo ta habri, aki por encontra producto di mas cu 30 artesano cu Seyo di Aruba. Asina por reconoce e productonan traha local y por distingui e productonan aki di e producto nan importa.
E actividad mes lo cuminsa ya desde 6 pm y lo termina pa 10 pm. Naturalmente ta bay tin cuminda y bebida y sin laga afo musica di pasco. Un y tur ta keda cordialmente invita pa asina por pasa un rato ameno y tambe sostene nos artista/ artesanonan.