Diabierna lo tuma luga den Corte di Prome Instancia tratamento di e caso contra di Ryson Paskel, cu dia 2 di september 2018, a hinca e hoben Camilo Sosa di 22 aña den e hotzone. E hoben despues ta bin fayece na hospital.
Pa mas di un luna, Ryson Paskel tabata fugitivo, pero dia 29 di october, Ryson P. ta keda deteni na un cas na Santa Cruz. E caso lo ta uno Pro Forma.
CASO
Diadomingo 2 September den careda di 3 or marduga unda un hende homber a keda hinca y un jeep a hib’e cu urgencia pa hospital, e tristo noticia a drenta cu e hoben a fayece rato despues na Hospital. Ta trata di e hoben C.A.C.S di 22 aña. Dokter a constata su morto 3:29 am. El a keda hinca seriamente cu consecuencia fatal.
DETENCION SOSPECHOSO
Tabata 29 di october 2018 den oranan di atardi recherchenan di Noord a bay na un cas na Santa Cruz pa un tip cu e sospechoso Ryson Paskel busca pa husticia lo ta den area di e departamento di rijbewijs. Hunto cu ayudo di team di aresto a yega na unda e tabata ta y aki tiro di advertencia a cay y e sospechoso a cuminsa lanta cu e oficialnan y a bay over na su detencion.