Diabierna awo 10 di februari lo tin otro Rosario Bibo na Alto Vista pa 7 or y mey di anochi.
Nos kier presenta un oracion special pa tur nos hendenan cu ta celebrando Carnaval.
Nos ta den temporada di Carnaval, un fiesta cultural hopi gusta bou di nos hendenan, pero hopi biaha e celebracion ta wordo compaña pa un uzo exagera di alcohol y hasta uzo di droga. Hendenan ta perde nocion di nan actonan cu tur consecuencia negativo cu esaki por trece cune.
Comision organisado ta invita hoben y adulto pa bin presenta nan intencion special cerca Birgen di Alto Vista pa e proteha henter nos comunidad, specialmente nos hobennan durante e temporada di Carnaval.