Diadomingo ultimo, a tuma luga na Cas di Cultura Aruba, e exitoso celebracion di Dia Mundial di Teatro 2020-2021 cu a ser presenta pa Ministerio di Cultura Aruba, conhuntamente cu Departamento di Cultura Aruba y Cas di Cultura Aruba.
Departamento di Cultura kier a manda palabra di felicitacion y un pabien masha grandi na tur actor, grupo y director cu a forma parti di e magno evento aki.
Como Pre-Show tabata tin Johnny Scharbaay & Ritmo Cubano RCC y presentacion di Video di Premio Nacional di Teatro 2013, Diana Antonette contando su experiencia personal y con teatro a drenta den e mundo di baile aki na Aruba, documenta pa e tecnico: Elton Malone.
Como apertura tabata tin e presentacion di e Video Promocional di e Compañia RCC Aruba cu ta consisti di diferente artista profesional di diferente pais manera Colombia y Cuba y nan a trah’e den cooperacion cu Departamento di Cultura Aruba. Nan a forma parti di diferente show Internacional y tambe nan a representa Aruba y Colombia na China na aña 2019 den e 17 China Wuqiao International Circus Festival. E aña’ki nan lo representa Aruba un biaha mas den e Salieri International Circus Award 2021 na Verona Italia.
Luty Martinez, kende a fungi como Maestro di Ceremonia, y directora di Cas di Cultura, Sra. Vicky Arens a lansa e video promocional dedica na Dia Mundial di Teatro, produci pa Cas di Cultura y cu direccion di Departamento di Cultura Aruba cu participacion di e compania RCC Aruba. (Ritmo Cubano)
Tambe Presidente di Comision Nacional di UNESCO. Minister di Educacion Rudy Lampe a hiba palabra y a duna espacio p’e presentacion di e Danza Teatro di e Tema: “Bohemian Rhapsody”. Esaki ta un tema di e banda di rock Queen di e famoso Freddie Mercury, adapta pa e maestro Johnny Scharbaay y balia pa e maestro profesional y bailado Adriana Kozlov di Kozlov Dance Academy. Tabatin declamacion di e Mensahe di Dia Mundial di Teatro 202I presenta pa UNESCO y grupo ITI di e autor, actriz di cine, teatro y television Hellen Mirren, cu adaptacion den nos dushi lenga papiamento y presenta pa e spirito blanco y artista multitalentoso, Marilis Becker, acompaña riba piano pa e maestro Johnny Scharbaay.
Prome Monologo Titula: Un Era Nobo. Presenta pa e actriz, escritor, bailado, poeta y cantante Anaisa Orman y acompaña pa Carlos Maduro cu e reflexion cu un era nobo no ta e fin, sino un comienso nobo pa celebra bida, pasobra cada un di nos ta buscando nos propio mundo di maraviya.
Drs.Siegfried Dumfries, Director di Departamento di Cultura Aruba a hiba palabra y Minister di Cultura Xiomara Maduro haci e entrega di e Premio Nacional di bida largo 2020 otorga na Cas di Cultura – Aruba’s Cultural Platform since 1958, na unda a haci e Lectura di e Poema dedica na e Premio Nacional di e autor Frank Croes, cu su poema titula: “Alma Liber”
Despues di e parti protocolario aki, a haci e presentacion di Ehercicio Teatral di Grupo di Teatro Experimental Contemporaneo Aruba. (TECA) cu e obra titula: “!Gevries…!” di e Autor y Director Jhon Freddy Tobón Montoya, cu actuacion di Rafaela Elizabeth Statie (Rafi), Ligia Osorio, Samantha Trinidad-Trinidad, Marilis Becker (Lies), Martica Lugay, Taiisia Alleyne, Carlos Croes, Alexis Kartodikromo Wever y Fabricio Kartodikromo Wever.
E programa a continua cu variacion di diferente disciplina artistico na unda tabata tin e presentacion musical di e artistanan: Antonieta C. Ras-Booi, Hubert Fernando Ras y Sergio Tjie Aloi, cu e temanan: “E mesun Forsa y Pasion”, cu composicion di Jhon Freddy T. Montoya, sigui pa e produccion musical “Ora Ubao”, un tema cu a uza den e obra teatral: “E perla di Caribe”, cu Letra di Hubert Lio Booi y Musica di Juan Chabaya Lampe, version bolero y ta finalisa cu e tema promocional titula: “Candela di Amor”, di e obra teatral como resultado di e intercambio entre Aruba y Corsow di e texto di Rey Salomon di e buki biblico “E Kanto di Tur Kanto”. E ta un version adapta pa e artistanan invita presenta den estilo bolero y acompaña pa e grupo di baile Marcie De Jong, Thayisa Farro, Charlotte Lesier, Mierienne Rosario.
Pa loke ta trata e genero comedia a conta cu presentacion teatral di e actriz Astra Barbara Paesch, cu e monologo di su mes autoria titula “Shi-Petra”, sigui pa presentacion di e grupo Actors Class of Creative Art Aruba cu e obra titula “Thoughts”, bao direccion di e maestro, actor, director y productor: Charles Croes, Cu participacion di e hobencita Loulou Croes y Nicholas Tromp.
Na final di e presentacion di e 2 performance anteror, a haci e entrega di e Premio Nacional di Teatro 2021, otorga na Sra Marlene ‘Lenie” Henttu-Jeandor, entrega door di Minister Xiomara Maduro y drs. Siegfried Dumfries.
Pa finalisa e anochi cu presentacion di e monologo teatral di Premio Nacional di Teatro di Bida Largo 2019, Faritah Luidens, cu su obra titula: “Soledad”, cu tabata un presentacion cu a forma parti di e celebracion di 50 aña den Farandula di nos grandioso Artista Icono Arubano Faritah Luidens como fragmento di e exitoso produccion titula: “KEN TA BASHA ABOU”, dirigi pa Marjorie Vermeer.
Na final di e anochi, esnan presente por a disfruta di e presentacion di Danza- Teatro di Grupo: Club di Movimiento cu e obra di Baile titula: “Freedom” Music : Rebecca Ferguson, cu poesia di e actriz, escritor y poeta: Samantha Trinidad y cu coreografia di maestra, bailado y directora Samanta Westera Juppa cu participacion di Youth Ballet Companionship di Club di Movimiento, Ariel Cunha, Nicole Oduber, Florencia Oduber, Danbi Velasquez, Isabella Quillote, Giva Comenencia, Kayla Laurence, Yinxian Yang, Xianthe Kelkboom, Eryan Ruiz.
Pa clausura cu broche di oro cu presentacion di e fragmento reflexion teatral di: “Grupo Colectivo CKV” cu e obra titula: “E la bin, E la bay” cu texto di e maestro y dramaturgo: Angelo Angela, como reflexion y pensamento di e teatristanan local.
Cu Direccion den forma colectivo, cu presentacion di e maestronan y actornan: Joan Danies, Madelene Kelly, Poppi Caciano, Jarmine Acosta y Angelo Angela.