Ariba prome di december mundialmente ta pone atencion na e dia aki reconoci como e dia Mundial di AIDS of miho conoci como HIV. E virus di AIDS ta ataca e sistema inmune di e curpa humano. Te ainda no tin un cura pa AIDS. E ta un malesa cu por wordo transmiti sexualmente di un persona na otro pero tambe e por wordo pasa di sanger pa sanger. Esey kiermen cu si bo tin un herida y e persona infecta tambe tin un herida y nan touch cu otro bo tin un probabilidad grandi di wordo contagia cu e malesa aki. Di momento cu bo wordo contagia cu HIV , bo lo tine pa bida largo y no tin cura pe sino solamente manera nan con pa alarga bo bida. Un persona cu HIV por haya su mes confronta cu diferente reto nan social di integracion. Por ehempel kisas nan no lo wordo acepta den un grupo pa miedo cu e persona lo por contagia otro miembro, nan por sinti aisla di e comunidad, ademas cu nan ta posibilidad pa tin un pareha tambe ta minimo.
E aña aki E dia Mundial di AIDS ta enfoca ariba e tema di igualdad. Igualdad por wordo considera den diferente forma manera pa aumenta e disponibilidad, calidad di e servicionan pa e tratamento, test di prueba y prevencion di AIDS.
Segun directora di ONUSIDA Winny Byanyima, e ta encurasha tur persona pa reflexiona ariba e mensahe cu absolutamente tur persona lo sali beneficioso di e desigualdad nan cu nan ta sinti cu tin.