Durante un evento na Insam San Nicolas, riba dia Mundial di Diabetes, a bay hopi positivo pa informa y educa nos pueblo di Aruba riba nan salud. Un studiante for di Hulanda, Cresci-Anne Croes, a splica kico dia 14 di November, ta nifica.
El a splica cu el a yuda organisa e evento. E ta sigui splica cu e aña aki ta Eyes on diabetes. Esey kiermen cu ta haci checkeo di salud durante dia. El a splica cu durante e checkeo aki tambe tabata tin checkeo di wowo. Tabata tin diferente demostracion di nutricion, riba cumindanan cu tin tiki sucu. Tambe tabata tin diferente charla riba medicina di wowo y un video tambe riba diabetes general y tambe na final nan tabata tin un charla di un optometrista cu a bay riba wowo. Tambe tin un quiz cu por a gana varios premio manera un mashin di midi sucu y mas cos. Medicosmetics y tambe Botica di Servicio tabata tey presente pa promove na productonan.
E evento aki tabata pa trece concientisacion. Aki kier a laga hende ta na altura riba con bo por preveni diabetes. E evento no tabata solamente pa esnan cu tin sucu, sino pa hendenan cu no sa ainda y cu por ta nan por wak con nan situacion ta awor. E evento aki ta parti di e luna di diabetes. Esaki ta un evento di Imsan, pero tin di compronde cu varios evento tambe por ehempel di Ibisa cu bus di salud, segun Croes.