Un dia manera awe 22 di november di tur aña diferente actividadnan ta ser realisa na diferente parti di mundo pa celebra e dia di e patrona di musica.
p’esey den cuadro cu un di nos puntonan di prioridad cu ta 1) educacion di arte y cultura y 2) documentacion y digitalisacion, nos di dca ta presenta awe e segundo fase (parti) di e proyecto ‘biografia di artista di musica arubano’, compila y traha pa nos seccion di investigacion y documentacion na dca.
e prome fase a keda presenta aña pasa riba e mesun fecha aki. E biaha aki den e fase 2 ta toca otro musico y artistanan di nos musica arubano for di alrededor un cuarenta persona. a ser entrevista un total di 12 persona. cual nan biografia ta keda presenta aki rato.
ki miho esaki ta cu e ta keda presenta riba dia di santa cecilia cu ta patrona di musiconan.
- E patrona santa cecilia ta bini di un famia rico y el a fayece tortura un aña indetermina entre 180 y 230 D.C. (despues di cristo) pa su conversion na cristianismo.
Na aña 1594 e papa gregorio xiii a nombre patrona di musico y asina el a keda te cu e dia di awe.
Den hopi cuadranan bo por mire entre instrumentonan musical, pero mas comun e tabata toca instrumento di cuerde. E papa cu a nombre patrona a bisa cu e tabata <<< demostra un atraccion irresistibel pa akkoordnan melodioso di e instrumentonan. su spirito sensibel y apasiona pa e arte y asina su nomber a keda den simbolo di musica.>>>
Sin embargo, nada tabata sigur di e relacion cu e tabatin cu musica, aunke tin hopi hipotesis.
-Manera e splicacion cu como hoben e tabata canta pa dios internamente mientras e musiconan tabata toca durante di su bruid, segun su mayornan;
-otro splicacion tabata cu e tabata bini di un famia romano, cecilia tabata toca algun instrumento musical, probablemente e ‘lira’, e ‘citara’ of algun tipo di harpa cu tabata ser uza pa damanan di e sociedad romano;
-Por ultimo tin actas di martirio di santa cecilia, unda ta splica cu el a ser tortura. mientras e forno tabata cayente y na candela halto, nan tabata purba choke, afixi’e, mientras cecilia tabata canta pa Señor…
Departamento di Cultura Aruba ta felicita tur musico riba e dia aki di Santa Cecilia y en particular na esnan cu nan biografia ta keda presenta awe.
Pabien na nos coleganan musico di DCA y tambe musiconan Chencho Kelly, Johnny Scharbaay y Seccion di Investigacion y Documentacion di DCA pa realisacion di proyecto aki.
Tambe nos ta desea di felicita Sr. Robert Jeandor cu dialuna anochi den Cas di Cultura un documentoria a keda presenta y homenahe na su persona pa su trayectoria musical internacional.
pabien na tur musiconan!