E Departamento di Recursonan Humano di Hilton Aruba Caribbean Resort & Casino a organisa un evento di Dia Internacional di Hende Muhe recientemente, den e restaurant di ekipo.
Tur 152 miembro femenino di e ekipo a wordo invita pa un fiesta elegante durante e oranan laat di atardi, cual a ofrece un cocktail special cu a hiba e nomber Women of Top, mesclando raspberry, strawberry, blachi di menta, stropi di sucu y juice di lamunchi.
E resort su ekipo culinario a conduci un demostracion di cushinamento en bibo, combinando noodles fresco cu carni oriental, cuminda di lama y berdura, y ofreciendo un delicioso seleccion di sushi di krab y cabaron traha na man,como tambe un seleccion di keshi internacional, cu un surtidodelicioso di hors d’oeuvres.
Director di Recursonan Humano, Glenn Farro, a yama bon bini na cada un di su miembronan femenino di ekipo cu un bunita rosa color roos cla, na nomber di gerencia, y personalmente a gradici nan pa nan tantisimo contribucionnan na e resort y nan esfuersonan di crea un seno di trabou miho y mas inclusivo.