Internacional: Fisica Medico tambe tin su dia internacional cu ta wordo reconoci anualmente. E meta tras di e dia aki ta pa pone accento ariba e gran trabou den e campo di radioactividad cual a bira un parti hopi importante pa trata malesanan manera cancer. Tras di e logronan aki tin un cientifico cu danki na dje a yega na avancenan grandi den e capo di radioactividad ariba e tereno di medicina.
Marie Curie tabata un cientifico reconoci cu a haci investigacionnan ariba estudio nan di radiografia (radio X). E la logra dentro e investigacionnan aki descubri algun elemento kimico manera polonio y radio. Marie Curi ta procedente di Poland cu a forma su mes como profesional na Francia caminata cu e la gradua como Licenciado den Ciencia y Matematica. Na 1903 e la haya e honor di wordo condecora cu e Premio Nobel dei Fisica (Natuurkunde) pa su descubrimientonan den e area di radiacion. Na 1911 e la haya reconocieminto di Premio Nobel di Quimica (scheikunde).
E funcion principal di un fisico medico den un hospital ta pa haci investigacionnan di prevencion, diagnostico y di tratamentonan di diferente malesanan cu e ser humano ta haya y pa ultimo garantisa siguridad na e pashentnan y profesionalnan den area di salud pa cu e tratamentonan di radiologia.
E meta final di un fisico medico ta pa yuda e pashent cura di su malesa y pa e tin despues un miho calidad di bida. E ta un profesion cu ta den constante desaroyo, teniendo na cuenta e avansenan y toolsnan tecnologia cu tambe ta avansando rapidamente den e mundo moderno.