Dia 20 di maart a celebra Dia Internacional di Felicidad. E dia aki a wordo celebra pa prome biaha na aña 2013 door di Nacionnan Uni. E dia aki ta reconoce e importancia di felicidad den bida di personanan rond di mundo.
E 17 “Sustainable Development Goals” di Nacionnan Uni tin como meta pa caba cu pobresa, reduci desigualdad y proteha nos planeta, 3 aspecto sumamente importante cu ta hiba na bienestar y tambe felicidad.
Amsterdam Manor Beach Resort y MVC Eagle Beach ta celebra e dia aki desde aña 2016 cu diferente oferta, premio y muestra special di gratitud y felicidad pa empleadonan y huespednan.
E aña aki no ta un excepcion mirando cu tin mas motibo ainda pa ta feliz ya cu Amsterdam Manor Beach Resort ta celebrando 30 aña y pa esaki a haci un campaña unda a invita usuarionan pa comparti kico felicidad ta pa nan riba e pagina di Facebook di Amsterdam Manor Beach Resort. E ganado a gana 4 anochi incluyendo desayuno pa 2 na Amsterdam Manor Beach Resort. Adicionalmente tur empleado di ambos propiedad a ricibi un “smiley pin” y a wordo recomenda pa bisti esaki y splica tur huesped encuanto e dia special aki.
Tur huesped cu a check in durante e dia a ricibi un blaas pa asina alegra nan dia mas ainda.