Awe nos ta felicita tur e heroenan anonimo cu ta haci cu avionnan por baha y lanta vuelo di manera sigur, di tur esunnan cu ta wordo transporta por via aereo den nos Aeropuerto Internacional Reina Beatrix.
Un dia manera awe, 20 di october 1961, den un reunion na Amsterdam, diesdos Asociacion Europeo a funda e International Federation of Air Traffic Controllers’ Associations (IFATCA). Desde e tempo ey, e controladonan aereo di mundo henter ta celebra e dia aki como e Dia Internacional di Controladonan Aereo.
Pa esaki nos ta felicita tur Controladonan Aereo rond mundo, specialmente nos controladonan aereo di Aeropuerto Internacional Reina Beatrix, pa nan pasion y dedicacion. No ta importa e hora di dia, of e situacion actual, boso focus semper tabata sigura cu nos espacio aereo ta sigur!
Sigur, un danki na cada un di bosonan, pa tur loke boso ta haci!
Masnoticia.com ta felicita cada un di nos controladonan aereo ariba nan dia!