Pa e siman di riñon Imsan tene un dia di control pa salud , aki Sra. Jean Werleman a splica mas di e dia aki cu 150 hende a controla den algun ora cu e evento tabata ta.
Diadomingo ultimo tabata tin un dia deportivo, diamars tabata tin informacion nan publico, cu nan por a haci pregunta y por ultimo tabata tin e health check. Sra, Werleman a splica cu e reaccion di parti publico tabata hopi bon y hopi hende ta birando consciente di kico eigenlijk, pa nan bira mas saludabel pa haya mas informacion kico nan tin di haci pa keda saludabel. Nan a atende mas o menos 150 persona, di cual tin hopi hende no sa mes cu nan presion ta halto y nan no sa cu nan tin sucu halto. dus, e ta toch ta bon pa haci un health check, of bay dokter pa sikiera un biaha pa aña controla pa wak si tur cos ta bayendo bon, pa dirigi bo bida na un manera saludabel. Si bo ta hiba un estilo di bida no saludabel, lo tin di cambia esaki. Tin hopi pashent na dialisis y ta bon pa haci e hendenan mas consciente pa sa kico nan mester haci.
Remarcabel ta cu no a bin mucho hoben, y te asina leu esunnan cu a bin, ta saludabel. Tambe a bin basta hende grandi, di riba 60 aña cu tin presion y sucu poco halto. Hopi hende ta pensa cu door cu nan no ta sinti nada, nan ta bon. Ta trata aki di hendenan cu no ta controla. Mester tene cuenta cu presion halto, ta un asesino silencioso.
Bo curpa ta avisa ora cu tin problemanan cu salud. Toch ta bon pa controla. Bebemento di awa ta keda un problema serio, si e awa di Aruba ta un di e mihonan di mundo. Pero ta prefera bebe algo di smaak, cu ta mas dushi, cual tin biaha no ta e miho. Segun Sra. Werleman, no tin nada mas miho cu awa, e ta saca toxiconan di bo curpa.
Por ultimo Sra. Werleman a bisa cu durante aña, lo sigui cu e controlnan aki.